Overview
Maime a Lerato ke lefahla le leholo ho Mothobapelo e seng e ntse e balwa. Maime a Lerato ke buka e senolang mekgwa ya bophelo, e laolwang ke lerato, leo sefutho kapa matla a lona a susumetsang diketso tse ka hahang kapa ho heletsa metheo ya botho bo nang le kelello. Dibaka tse boletsweng le mabitso a hlahang a batho esita le maemo a bona, empa e le setshwantsho sa ho bapisa diketso le dibaka tse etsahalang bophelong. Thuto e kgolo ke hore batho ba tsebe hore bophelo ha bo kgethe maemo a batho, mme le bofokodi ha bo na maemo. Dibaka di totobatsa hore diketso tse etswang botjheng, ebang ke tsa bosawana kapa tsa nnete e sa kguneng, di fetoha motheo o hahang bokamoso ba motho bo amang setjhaba esita le dinaha tse ding. Buka e hlopshwa ka dikgaolo tse bopjwang ka dirapa tse nang le meelo e senolang ho hong. Meelelo le kopanela ho haha melaetsa e fetiswang ke digaolo, mme tsona di neheletsane ho haha taba eo buka e e senolelang mmadi e le temoso bophelong. Tse ding tseo babadi ba ithutang tsona ke hore tiisetso e tswala katleho, athe ho hloka mamello le tjhebelopelo ho tswala dibabane hwa motho a qetellang a llela lebese le qhalaneng ho se ho se le nako ya ho lokisa tse lobilweng.
- | Author: Selemeng A. Mokorosi
- | Publisher: Createspace Independent Publishing Platform
- | Publication Date: Oct 24, 2016
- | Number of Pages: 158 pages
- | Language: Southern_Sotho
- | Binding: Paperback
- | ISBN-10: 1539817504
- | ISBN-13: 9781539817505
