Overview

Puis que vous avez agreable que je vous face purement le recit veritable de la vie sanglante, & de la mort honteuse, miserable, & deplorable de Louys le Febvre, dit Malengren? natif des Alleux le Roy, fils de feus Simon le Febvre, & de Perrette le Troteur, je vous diray que ce pauvre miserable avoit trois freres, appellez l'un Jean, l'autre Rollin, & l'autre Pierre ; & estant tous en bas ?ge, ils furent eslevez avec trop de libert? par leursdits pere, & mere, qui estoient des plus riches du pays. De sorte que ce p?re (que je puis, crois-je, sans en pouvoir estre repris, appelle malheureux p?re) prenoit plaisir ? faire ordinairement battre ses enfans l'un contre l'autre, en sa presence, & promettant ? celuy qui vainqueroit son frere, de luy d?ner ? boire du vin, & le fou?t au vaincu, ce qu'il faisoit, & caressoit tendrement le vainqueur.