Haar naam is Elize

In Haar naam is Elize ontvou ʼn diep roerende verhaal van verlange, geheime en onverwagte herenigings. In 1989 is Elize, ʼn sprankelende sestienjarige dogter van ʼn predikant in Citrusdal, op die drumpel van volwassenheid. Maar agter haar helder oë en glimlag lê ʼn onuitgesproke vraag: Wie is sy regtig? Wanneer ʼn onbekende seun met dieselfde oë as sy haar pad kruis, begin stukke van haar verlede stadig in plek val. Elders, in Kaapstad, herleef ʼn vrou jaarliks die pyn van ʼn kind wat sy moes agterlaat, en ʼn man wonder oor die meisie wat hom nooit vergeet het nie.Deur ʼn fyn verweefde verhaal van liefde, opoffering en hoop, word die leser meegesleur op ʼn emosionele reis waar families geskep, verlore tyd ingehaal en harte genees word. Hierdie is ʼn verhaal wat jou hart sal aanraak - en jou sal laat glo in tweede kanse.

• | Author: Jennie Pretorius
• | Publisher: Malherbe Uitgewers
• | Publication Date: Jul 23, 2025
• | Number of Pages: 44 pages
• | Binding: Paperback or Softback
• | ISBN-10: 199744321X
• | ISBN-13: 9781997443216