Geeta ladee kuraan se: न भूतो न भविष्यति - (Hardback or Cased Book)

Geeta ladi Quran se manavta ke hriday mein gehre mulyo ko sthapit karne ka ek vinamr prayaas hai. Mandir masjid ya dharmon ke aadhar par aapas mein ladna hamari chhoti soch ka praman hai. Yeh pustak humein sikhati hai ki matbhedon se pare jakar, hum ek aise samanjasypurn vishv ka nirmaan kar sakte hain jahan pratyek vyakti sammaan aur karuna ka anubhav kare. Pustak ko vibhinn rochak kahaniyon aur udaharanon se sajaya gaya hai. Bhasha mein layatmakta tatha sahajta hai. koi bhi vyakti jo apne jeevan mein vyavaharik shanti aur samanjasya lana chahta uski yeh kitaab madad karti hai.In prishthon mein aap aise vichar aur drishtant payenge jo aapko doosron ke saath milkar kaam karne, unki aasthao ka sammaan karne, apne bhitar vastavik vyavaharik santosh ka anubhav karne, jeevan ki param khushi ko mehsoos karne aur sabhi manushyon ko bhed-bhaavo se upar uthkar keval manushya ke roop mein dekhne ke liye protsahit karenge.Aaiye milkar hum sabhi manushya is prithvi par aapsi yudh samaapt karein aur ek shaantipurn, samanjasypurn aur prem se paripurn vishv ka nirmaan karein. is nek kaam hetu sabse pehle apna bheitari diya prajwalit karein. Sabse pehle apne satya ka saakshaatkar karein. Sabse pehle apne se shuruat karein.

• | Author: Virender Sharma
• | Publisher: Notion Press
• | Publication Date: Apr 15, 2025
• | Number of Pages: 00232 pages
• | Binding: Hardback or Cased Book
• | ISBN-10: NA
• | ISBN-13: 9798899061042